AXENDA / NOVASInicio
  • 07 Outubro 2020. Hora: 20:00. Salón de Actos da Casa do Saber, Vicerreitorado

    O Club Cultural Valle-Inclán retoma as actividades de 2020 coa programación de “Sesións de Filmoteca"

    Sesións de Filmoteca, outubro 2020

    O Club Cultural Valle-Inclán retoma as actividades de 2020 coa programación de “Sesións de Filmoteca”, en colaboración co Centro Galego de Artes da Imaxe -CGAI- Filmoteca de Galicia, de acordo co seguinte programa:
    * Día 07 de outubro: Not wanted, Ida Lupino asume este proxecto por enfermidade do director inicial, Elmer Clifton. Melodrama de 1949. VOSG
    * Día 14 de outubro: Os fillos da vide, Documental de Ana Domínguez. 2019. Os ciclos da vida e das estacións; os viñedos, a vendima e o viño. Os ritos, os ritmos da natureza e das tradicións en perigo. VOG
    * Día 21 de outubro: El bígamo, de Ida Lupino, 1953. Drama coa propia Ida Lupino e Joan Fontaine. VOSG.
    * Día 28: Curtas de Alice Guy-Blaché. 1911/1919. Cine mudo.
    Proxeccións no Salón de Actos da Casa do Saber, Vicerreitorado, en sesión de 20:00 horas.
    Debido a necesaria protección contra o Covid-19 o aforo e limitado polo que, de momento, ás proxección estarán reservadas a socios do club e comun idade universitaria.
    É preciso reservar entrada con antelación  enviando correo electrónico a cultura.lugo@USC.es  indicando nome e nº de DNI.  

     

  • 17 Maio 2020. Lugo

    Ricardo Carballo (Carvalho) Calero homenaxeado nas Letras Galegas de 2020

    Día das Letras Galegas de 2020

    A elección de Ricardo Carballo Calero (Carvalho na súa última escolla persoal) como figura a quen honrar no Día das Letras Galegas, fíxose agardar dúas décadas e precisamente este ano 2020 tivo a mala sorte de non poder ser celebrado e difundido como merece. Neste sentido, o C. Cultural Valle-Inclán súmase á proposta de dar continuidade á dita celebración e persoa no vindeiro 2021 para facilitar as actividades que se fan nestas efemérides, sobre todo no ámbito do ensino e das asociacións culturais coa súa oportuna repercusión mediática. En todo caso, o C.C. Valle-Inclán conmemorará as Letras Galegas de 2020 coa acostumada edición dun marcador de libros dedicado ó autor homenaxeado e, se fose posible, coa organización dalgún acto cultural e público sobre Carballo Calero.

    Nado en Ferrol (1910), Ricardo Carballo estivo moi vinculado a Lugo, pois tivo que pasar o seu particular “exilio interior” (como tantos outros) nas décadas posteriores á guerra civil, sen poder optar a un emprego público pola súa militancia galeguista e republicana, ademais de ser un activo membro do Seminario de Estudos Galegos, que se ligaba á Xeración NÓS. Así, Licenciado en Dereito e en Filosofía e Letras, pasou a dirixir o Colexio Fingoi de Lugo entre os anos 1950 e 1965, nunha experiencia educativa e cultural moi destacada, na que tivo moito que ver a intensa actividade de Carballo xunto ó promotor do centro, Antonio Fernández.

    Sendo xa doutor en Filoloxía, a partir de 1965 imparte ensinanzas de Lingua e Literatura nun Instituto de Compostela ó tempo que se encargaba de dar as primeiras clases de galego na Facultade de Letras, onde logo (1972) sería o primeiro catedrático desta lingua, sendo xa entón membro da R. Academia Galega e do Instituto de Estudios Gallegos ‘P. Sarmiento’. A el se debe unha monumental Historia da Literatura Galega Contemporánea (de 1963, pero completada en 1975) ou a súa Gramática elemental del gallego común utilísima naqueles anos (1966), ademais de ter unha ampla obra poética, narrativa, teatral e, sobre todo, de historia e estudo crítico da nosa lingua e literatura.

    Participou na elaboracións das primeiras Normas Ortográficas do galego de 1971, pero nos anos 80, xa recoñecida a autonomía de Galicia, entende que a normativa do galego debía recuperar as súas orixes históricas galaico-portuguesas, optando por unha ortografía reintegracionista que facilitaría a comunicación e difusión no mundo lusista e que el utilizaría ata a súa morte en 1990.

    Home de personalidade adusta e seria ó tempo que moi rigoroso no seu traballo científico, era de trato amable nos medios máis próximos e familiares e, desde logo, moi merecente das homenaxes que se lle renden ó dedicarlle a conmemoración das Letras Galegas.

    Foto cedida por Eduardo R. Ochoa
     

  • 11 Marzo 2020. Hora: 19:30. Salón de Actos da Casa do Saber (Vicerreitorado)

    Asinado o convenio de colaboración coa AGADIC, iniciamos as Sesións de Filmoteca

    Sesións de Filkmoteca marzo 2020

    O Club Cultural Valle-Inclán, tras asinar o convenio de colaboración coa AGADIC, inicia as Sesións de Filmoteca en colaboración co CGAI-Filmoteca de Galicia.
    No mes de marzo desenvolverase o seguinte programa:
    * Día 11.- La hija de un ladrón, de Belén Funes, España, 2019.
    * Día 18.- Os fillos da vide, de Ana Domínguez, España, 2019.
    * Día 25.- Greater Love Hath No Man, Falling Leaves, Making an American Citizen,  Fool and his Money, The Ocean Waif, de  Alice Guy-Blaché (Pioneiras do cine). USA, 1911/1916.
    Contamos coa colaboración do Vicerreitorado da USC no Campus de Lugo. As proxeccións terán lugar no Salón de Actos da Casa do Saber, en sesión de 19:30 horas.

    Actividades suspendidas a partir do día 12 seguindo instruccións das autoridades sanitarias polo Covid-19.
     

  • 08 Marzo 2020. Hora: 10:00. De Láncara a Penamaior

    Visitas de Láncara a Penamaior polo val do Neira

    Viaxe 262

    Viaxamos de Láncara a Penamaior polo val do Neira: Museo da Locomoción agraria (MUVICLA) de Trasliste (Láncara), val do Neira, ponte de Carracedo, igrexas de S. Miguel e S. Martíño de Neira de Rei, Os Mazos, mosteiro de Penamaior (Becerreá).