AXENDA / NOVASInicio
  • 24 Febreiro 2017. Hora: 19:30. Salón de actos do Pazo de San Marcos, Deputación Provincial

    Shoots from Abyssinia. O Sur é un documental que será presentado polo seu director, Ovidio Fernández, e os seus fillos Abdul e Abdi, protagonistas do mesmo.

    Proxección de Shoots from Abyssinia. O Sur

    A serie documental Shoots from Abyssinia pretende por en valor, mostrar e demostrar que a súa terra, Etiopía, está lonxe de tipos e estereotipos que se asentaron durante moito, demasiado tempo, no descoñecemento, na xeneralización e nos prexuízos das xentes de Europa sobre o grande e variado continente que é África. Mostrar as particularidades de cada país africano, de cada nación, de cada etnia, e por de manifesto a inmensa variedade agochada tras dun nome. Pero se o basto e amplo continente africano é descoñecido, Etiopía alcanza un maior grao se cabe, nese descoñecemento.
    E hoxe, despois dun éxodo encuberto e silencioso de meniños que atoparon familia en Europa e América, é necesario que se sintan orgullosos da terra que os viu nacer.
     

  • 19 Febreiro 2017. Hora: 09:00. Da Serra da Loba á Ría de Betanzos

    Viaxamos da Serra da Loba á Ría de Betanzos

    Viaxe 236

    A segunda viaxe do ano levaranos  da Serra da Loba á Ría de Betanzos: Mosteiro de Monfero e terras altas de Irixoa, castelo dos Andrade (Nogueirosa), igrexa de S. Miguel de Breamo (Pontedeume), igrexa do antigo mosteiro de S. Salvador de Bergondo, Pazo de Mariñán, miradoiro e capela da Espenuca (Coirós) sobre o río Mandeo.

  • 28 Xaneiro 2017. Hora: 08:00. Avilés e a súa comarca

    Fin de semana en Avilés e comarca

    Viaxe 235

    Iniciamos as viaxes do ano 2017 con un fin de semana en Avilés e comarca: Vilas mariñeiras de Víavélez, Puerto de Vega e Cudillero, conxunto histórico de Avilés (rúas asoportaladas, prazas e parques, igrexas medievais...; hotel), cemiterio romántico de La Carriona, etc. Na súa comarca próxima, a interesante igrexa románica de Manzaneda, a Paraxe natural protexida do Cabo Peñas e, máis aló, Luanco co seu curioso e ben posto Museo Marítimo, Candás...

  • 28 Xaneiro 2017. Avilés

    A finais de xaneiro comeza a tempada de viaxes

    Viaxes

    O día 28 de xaneiro iniciamos as viaxes do ano 2017 cun fin de semana en Avilés e comarca. Seguiremos ata o mes de xuño con  percorridos por: 
    * Da Serra da Loba á Ría de Betanzos.
    * Polo curso do Eo, da Marronda á Pontenova.
    * Polo Sur de Ourense, do val de Monterrei á Raia Seca.
    * Extremadura verde, monumental e etnográfica.
    * Portugal, pola Beira Litoral.