Nos primeiros anos 40, cando a Guerra Civil acababa de rematar, os presos políticos contábanse por milleiros. Moitos foron traballadores forzados nas obras públicas. Case 300 presos políticos traballaron no chamado túnel 19, entre Lubián e Padornelo, presos que durmían nos barracóns levantados por eles mesmos. Alí os viu, cos pés encadeados, Baldomina Montesinos Álvarez (Lubián, 1938). Aínda os ve, "coma se fora hoxe”.