Iniciado na longametraxe con Contrafaces (2015) e ao tempo prestixioso cortometraxista, Fon Cortizo establece neste filme premiado no Festival de Xixón 2020 unha exploración fílmica magnética. Con atracción por personaxes singulares e polos xogos coa estrutura do relato, elabora unha narración embebida de mar, sorprendente e misteriosa, poboada por unha moza traballadora dunha lonxa, un barco silencioso e un grupo de improvisadores que investigan nos sons do pasado para sacar á luz tres relatos esquecidos.VOG