«Estuda a Terra e os astros do ceo; calquera parte do mundo é unha imaxe abreviada del. Deberás gardar esta frecha durante cen anos e un día. Despois deste tempo, crávaa no val máis amplo de todos os que posúes, coa punta cara ao ceo; entón chegará a Lúa e, da mesma maneira que exerce a súa acción sobre as augas do mar, así actuará sobre a frecha, converténdoa nun monte sacro». 

Inspirándose nas vistas do monte Fuji de Hokusai e nos cadros de Cézanne da montaña Sainte-Victoire, Pico Sacro trata de revelar a maxia e o misterio que subxacen baixo a realidade.