AXENDA / NOVASInicio
  • 29 Abril 2014. Hora: 20:00. Galería Sargadelos

    PARA QUE NOS SERVE GALIZA A DEBATE

    Debate

    O Club Cultural Valle-Inclán e Editorial Galaxia programan un debate arredor do libro de Xaime Subiela: PARA QUE NOS SERVE GALIZA? (Premio Ramón Piñeiro de Ensaio 2012).
    Participarán:
    - Lidia Senra, sindicalista agraria.
    - Lourenzo Fernández Prieto, catedrático de Historia Contemporánea da USC.
    - Grial Parga, analista cultural e crítico de cine e televisión.
    - Xaime Subiela, politólogo e sociólogo, autor do libro,
    Presentados e moderados por Felipe Arias Vilas, historiador e muséologo (en representación do C.C. Valle-Inclán).
    O acto celebrarase na Galería Sargadelos de Lugo o martes, 29 de abril,  ás 20,00 horas.
     

  • 06 Abril 2014. Hora: 09:00. Mariña occidental lucense e ría de Ortigueira

    CASTROS DA MARIÑA OCCIDENTAL: DE SAN CIBRAO A ORTIGUEIRA.

    VIAXES: 209

    Completaremos o ciclo dedicado aos castros do norte de Lugo cunha viaxe aos Castros da Mariña occidental lucense e ría de Ortigueira: Punta da Atalaia de San Cibrao - Bares - Punta dos Prados de Espasante - Ortigueira - Serra da Faladoira - As Pontes

  • 12 Marzo 2014. Hora: 19:30. Centros de Convivencia de Fingoi e Uxío Novoneyra

    CINE MULLER CO TEMA DO ABORTO ORGANIZADO POLA CASA DA MULLER EN COLABORACIÓN CO CLUB CULTURAL VALLE-INCLÁN

    Cine Muller

    A Concellería de Benestar Social e Igualdade de Lugo -Casa da Muller- conta coa colaboración do Club Cultural Valle-Inclán para a organización do ciclo  CINE MULLER e que terá como tema o aborto.

    PROGRAMA
    Día 12 de marzo.- Salón de actos do Centro de Convivencia de Fingoi. 19,30 horas. Proxección do filme ”El secreto de Vera Drake”, de Mike Leigh. Reino Unido. 
    Día 20 de marzo.- Salón de actos do Centro de Convivencia Uxío Novoneyra. Mesa redonda coa participación de María Jesús Méndez Conde (xinecóloga) e Belén Regueiro Burgo (técnica da Casa da Muller). Presenta e modera Ana Mª González Abelleira (Concellería da área de Benestar Social e Igualdade). A continuación proxección da película “4 meses, 3 semanas, 2 días”, de Cristian Mungiu.Rumanía. 18,00 horas.
    Día 26 de marzo.- Salón de actos do Centro de Convivencia de Fingoi, 19,30 horas. Proxección da película “El crimen del Padre Amaro”, de Carlos Carrera. México.
    A entrada será libre e gratuíta.
    Esta programación completa outras actividades que se desenvolverán no mes de marzo, MES DA MULLER.
     

  • 10 Marzo 2014. Hora: 20:00. Salón de actos da Deputación Provincial

    QUINTO CICLO DE CINE BRASILEIRO EN COLABORACIÓN COA EMBAIXADA DE BRASIL NO MES DE MARZO

    Quinto  ciclo de cine brasileiro

    O Club Cultural Valle-Inclán organiza o QUINTO CICLO DE CINE BRASILEIRO en colaboración coa Embaixada de Brasil en España.
    Os filmes seleccionados son A ostra e o vento, de Walter Lima Jr., Durval Discos, de Anna Muylaert, Linha de passe, de Walter Salles e Daniela  Thomas e Edifício Master, de Eduardo Coutinho. Todos en versión orixinal con subtítulos en castelán.
    Proxectaranse a partir do día 10 de marzo, ás 20,00 horas.
    Máis información en CINE, programación.