AXENDA / NOVASInicio
  • 29 Xaneiro 2014. Hora: 20:00. Salón de actos da Deputación Provincial

    ENTREPARADAS, DOCUMENTAL DE TOÑO CHOUZA CON PRODUCIÓN DE JORGE COIRA

    PROXECCIÓN DE ENTREPARADAS

    "A potencia das historias alí recollidas era tal que era imposible desconectar nin un segundo do que os protagonistas contaban. Un grupo de persoas con diversos problemas xúntanse para realizar varias pezas teatrais nun autobús. Historia de superación, de valor e, sobre todo, de optimismo. Un optimismo e unha vitalidade que provoca que sexa imposible non romper a chorar ante unhas historias que abraian en todos os sentidos. Agardo que o documental chegue ao maior número de pantallas posible, non só polo seu carácter narrativo senón polo seu alto valor didáctico. Non dubiden en ir a velo se teñen ocasión!
    Brais Romero, Praza.com

    Máis información en CINE, programación.
     

  • 23 Xaneiro 2014. Hora: 20:00. Salón de actos da Deputación Provincial

    SHOOTS FROM ABYSSINIA, UN DOCUMENTAL DE OVIDIO FERNÁNDEZ

    PROXECCIÓN DE SHOOTS FROM ABYSSINIA

    Esta longametraxe é a culminación dun traballo que se iniciou no verán de 2010 coa rodaxe no norte de Etiopía.
    A película xurde nun principio para amosar Etiopía, un país completamente descoñecido para a gran maioría da xente que vive ó norte e de costas ó continente africano.
    O coñecemento da realidade etíope é cada vez máis perentorio. Baste comentar como exemplo que Galicia, na última década, incrementou a súa poboación en máis de 700 nenos adoptados por familias galegas, precisamente cando as taxas de crecemento da poboación e renovación xeracional caen en picado.
    O descoñecemento da realidade do seu país de orixe fai que xurdan estereotipos, tópicos e prexuízos na convivencia con eles que sería bo desterrar por anacrónicos.

    Ovidio Fernández Sánchez, natural de Navia de Suarna, é produtor audiovisual,  autor de reportaxes e documentais que se emitieron por televisión (La Primera, La 2, Canal Internacional, Grandes Documentales Hispasat, Canales Temáticos, 24 Horas, Euronews, etc.) nos que colaborou  en distintas áreas e destacando como director de fotografía.
    Premio do xurado no Festival Internacional de Cine "El Riu" de Barcelona (2002).
    Traballa en Televisión Española en Santiago.

    Máis información en CINE, programación.


     

  • 17 Xaneiro 2014. Hora: 20:00. Círculo das Artes

    EDITORIAL GALAXIA - CLUB CULTURAL VALLE-INCLÁN - CÍRCULO DAS ARTES ORGANIZAN UN ACTO DE HOMENAXE

     A FORZA DA INTELIXENCIA. BENXAMÍN CASAL (1935 - 2013).

    BENXAMÍN CASAL VILA  foi o terceiro presidente do Club Cultural Valle-Inclán e desenvolveu o seu labor entre os anos  1973 e 1976.
    Intervirán pola seguinte orde:

    VÍCTOR  F. FREIXANES, Editorial Galaxia
    TONINA  GAY E  FELIPE  ARIAS  VILAS, Club Cultural Valle-Inclán
    JESÚS  LÓPEZ-DOMÍNGUEZ  LÓPEZ, Círculo das Artes

    RAMÓN  VILLARES  PAZ, Consello da Cultura Galega
    XESÚS ALONSO  MONTERO, Real Academia Galega
    XOSÉ LÓPEZ  OROZCO, Concello de Lugo
    ALBERTO  NÚÑEZ FEIJÓO, Xunta de Galicia

    XULiÁN  PARGA  RODRÍGUEZ
    Familia BENXAMÍN CASAL  VILA

    Música, NAJLA  SHAMI

  • 16 Xaneiro 2014. Hora: 20:00. Salón de actos da Deputación Provincial

    CLUB CULTURAL VALLE-INCLÁN E SOCIEDAD FILARMÓNICA DE LUGO PROXECTAN EL ÚLTIMO CONCIERTO

    PROXECCIÓN DE EL ÚLTIMO CONCIERTO

    Yaron Zilberman escolleu para El último concierto o Cuarteto de corda Nº 14, opus 131 de Beethoven, un dos seus Late Quartet, e que ten unha presencia sustancial na película. Poderase escoitar na interpretación do Lotus String Quartet o sábado, día 18 de xaneiro, as 20:30 horas, no Círculo das Artes, nun concerto organizado pola Sociedad Filarmónica de Lugo.
    Venda de entradas para o concerto nas oficinas do Círculo das Artes.

    Máis información en CINE, programación.