Lis é unha adolescente que soña con converterse en artista de circo e saír da súa vila, aínda que sabe que para conseguilo terá que pelexalo duramente cos seus pais. É verán e Lis pásase o día xogando nas rúas coas súas amigas e coqueteando co seu noivo, uns anos maior que ela. A falta de intimidade e as rexoubas constantes dos veciños obrigan a Lis a levar esa relación en segredo para que os seus pais non se decaten. Pero ese verán idílico chega ao seu fin e, co inicio do outono, Lis recibe unha noticia inesperada. VOE.