O Clube Cultural Valle-Inclán vén programando cine desde o 4 de marzo de 1966 na procura de:

• Valorar o Cine como forma de expresión artística
• Fomentar e difundir a cultura cinematográfica.
• Seleccionar e divulgar a filmografía na que os valores artísticos, culturais e sociais primen sobre o feito comercial.
• Proxectar filmes atendendo á variedade, desde os clásicos ás máis novas tendencias, inéditos na carteleira local.
• Planificar ciclos de nacionalidades diversas que nos acheguen a outras culturas.
• Informar a través de fichas, folletos e follas de sala para apoiar o significado e valor das exhibicións.
• Programar actividades que complementen as proxeccións (conferencias, debates, “leccións de cine”…).

 O Valle-Inclán é membro da Federación de Cineclubes de Galicia e, ademais, mantén contactos e colaboracións con varias embaixadas e entidades no eido da “sétima arte”.