Baixo a estatua do Buda que destruíron os talibanes, aínda viven miles de familias. Baktay, unha pícara afgana de seis anos, é incitada a ir á escola polo fillo dos seus veciños que le os alfabetos fronte á súa cova. O problema inicial é que Baktay non ten caderno nin lápiz. Para o caderno debe buscarse a vida, como lápiz, decide levar o pintalabios da súa nai. De camiño á escola, é acosada por uns nenos que xogan de forma cruel reflectindo a sociedade tan violenta que os envolve. Os nenos pretenden lapidar a Baktay, ou destruíla como o Buda, ou disparar contra ela como fixeron os americanos no labirinto de covas.