A finais dos anos 60, un misterioso músico foi descuberto nun bar de Detroit por dous produtores que quedaron engaiolados das súas melodías conmovedoras e das súas letras proféticas. Gravaron dous discos que eles crían que situarían ao artista como un dos máis grandes da súa xeración. Non obstante, o éxito nunca chegou. De feito, o cantante desapareceu na escuridade no medio de rumores sobre o seu horripilante suicidio enriba do escenario. Mentres a figura do artista se perdía no esquecemento, un dos seus vinilos chegou á Sudáfrica do Apartheid, multiplicándose por todo o país en gravacións piratas, e durante as dúas seguintes décadas Rodríguez foise convertendo nun fenómeno, nunha icona da liberdade e o "anti establishment". Dous fans sudafricanos empeñáronse en descubrir que pasou realmente co seu heroe. A súa investigación conduciunos a unha historia aínda máis extraordinaria sobre o mito do artista coñecido como "Rodríguez". Esta é unha película sobre a esperanza, a inspiración e o poder da música.

Lingua V.O.S.