Un impresionante retrato do irrepetible cantante e trompetista Chet Baker, dirixido en 1988 polo fotógrafo e cineasta Bruce Weber. Considerado por moitos como o mellor documental musical de todos os tempos, o filme inclúe entrevistas ao artista, ás súas esposas, fillos, noivas, amigos, material de arquivo e imaxes filmadas durante a derradeira xira de Baker. Weber regálanos momentos impagables, rodados nun precioso branco e negro e acompañados pola música do xenio, a quen ten descrito como “alguén máxico a quen nunca podes esquecer”, alguén “que quería ser libre coma un paxaro”.