Leila, Nour e Salma son tres cidadás palestinas de Israel que viven en Tel Aviv, onde comparten piso e vivencias. Bar Bahar - Entre dous mundos plasma a dualidade á que as tres mulleres se ven sometidas na súa vida diaria, atrapadas entre a tradición e a vida na gran cidade, así como o prezo que deben pagar por un estilo de vida que a maioría considera normal: a liberdade de traballar, de divertirse e de elixir.