En 1895, Louis e Auguste Lumière inventaron o Cinématographe e rodaron algunhas das primeiras películas da historia da imaxe en movemento. Co seu descubrimento da posta en escena, os travellings de seguimento e mesmo dos efectos especiais e os remakes, tamén inventaron a sétima arte. Entre as súas máis de 1.400 películas, Thierry Frémaux (director do Festival de Cannes desde 2001 e director do Instituto Lumière de Lyon) seleccionou 114. Son obras mestras coñecidas no mundo enteiro ou auténticas perlas ignoradas, todas restauradas e reunidas para conmemorar o legado dos Lumière. Imaxes inesquecibles e unha visión única de Francia e do mundo dos albores da era moderna. Películas fundamentais para comprender o cinema contemporáneo.

VOSE