Un filme documental autobiográfico coproducido entre varios países e expresado a través de videocartas. Dúas cineastas cubanas amigas da infancia e compañeiras de estudos, Heidi Hassan e Patricia Pérez Fernández, percorren as súas vidas –a creación, as identidades, o tempo ou a maternidade– marcadas tamén pola longa separación e a correspondencia desde lugares distantes, Suíza (Xenebra) e Galicia (Fisterra). Premiado en Málaga, La Habana ou Ámsterdam, nominado aos premios Goya e aos Feroz. Colabora na montaxe a cineasta galega Diana Toucedo. VO