O domingo 26 outubro o Club Valle-Inclán inicia a tempada de viaxes culturais 2025-2026 visitando as terras da Pastoriza e Castroverde, con paradas en Fonmiñá co seu Centro de interpretación do Alto Miño, o impoñente  Castro de Saa (cunha breve andaina), o lugar histórico e patrimonial de Bretoña, para subir logo desde o concello de Pol e remontando o val do río Azúmara ata a igrexa e o monumento contra a represión en S. Cibrao de Montecubeiro e regresando a Lugo por Castroverde.