Celebramos as Letras Galegas cunha mesa redonda baixo o título Filgueira Valverde: luces e sombras. Será presentada e moderada por Felipe Arias Vilas e contará coa participación de Xosé Carlos Sierra Rodríguez (director do Museo Etnolóxico de Ribadavia e antropólogo, que falará sobre “Filgueira e a museística galega”), Francisco Calo Lourido (catedrático de Instituto e historiador que tratará sobre “Filgueira e as institucións culturais de Galicia: o S.E.G., o C.S.I.C, o M.P.G.”), e Xesús Ferro Ruibal (académico da R.A.Galega e filólogo que analizará o tema “Filgueira como investigador e creador na literatura galega”).