Faremos nesta ocasión un periplo por enclaves, uns xa coñecidos e outros non tanto, desta comarca pontevedresa: o interesante Castro de Besomaño (Ribadumia) -escavado parcialmente nos últimos anos-, o importante conxunto arqueolóxico e histórico (e etnográfico) da Lanzada -co seu poboado prerromano e galaico-romano e a torre e igrexa medievais-, e os restos da vila e necrópole tardorromana do Adro Vello (S. Vicenzo do Grove), rematando a viaxe no Mosteiro das monxas cistercienses de Sta. Mª de Armenteira.