Entre Asturias e Cantabria e ás beiras do río Deva, logo de xantar en Panes cruzamos o Desfiladeiro de La Hermida para chegar ata a igrexa prerrománica e románica de Sta. Mª de Lebeña. O domingo veremos a tamén moi interesante igrexa de Sta. Mª la Real de Piasca e o monumental mosteiro de Sto. Toribio de Liébana, visitando despois a vila histórica de Potes e achegándonos ós Picos de Europa en Fuente Dé. No regreso poderemos coñecer as bonitas vilas e portos de Llanes e Ribadesella.