A Comuna de Cine de Rojava (Komîna Fîlm a Rojava) é un colectivo creado no 2015 por cineastas locais e partidarios da revolución en Rojava, no norte de Siria, centrado na educación, produción e exhibición cinematográfica.
A comuna xestiona a Academia de Cine de Rojava para novos cineastas, guionistas, editores e outros profesionais do cine na rexión e organiza o Festival de Cinema de Rojava, destinado a achegar o cinema ao público local, así como a crear oportunidades para cineastas locais e pontes con creadores internacionais.
Os filmes producidos pola comuna foron proxectados en festivais de todo o mundo, entre eles o International Film Festival de Rotterdam.
Rewend -cine itinerante- ten como obxectivo aumentar as oportunidades para o cinema curdo cun evento que establecerá unha rede de distribución, comezando cunha xira a partir de xaneiro de 2022.

En dous día desenvolverase o seguinte programa en VOSE:
* Día 30 de marzo: Berfin, de Özlem Arzeba. 2019 -73 min
* Día 6 de abril: Curtas, Fogar, Despois da guerra, Sombras das montañas Curdas e Amor en tempo de xenocidio.
Salón de Actos da Casa do Saber, 18:00 horas.
Entrada libre e de balde.