Íntimo retrato da vida e o traballo da cantante de ópera Maria Calas. “Gustaríame ser sempre María, pero está a Callas, da que debo estar á altura”, a propia María Calas (1923-1977) era moi consciente da súa relación entre a súa persoa e a súa lenda. Este documental, narrado por Fanny Ardant, reúne un valioso material de arquivo sobre a inmortal cantante de ópera con gravacións inéditas, fotografías nunca vistas, vídeos persoais, cartas privadas e a presenza dos mellores amigos e colegas da cantante, entre eles Vittorio de Sica, Aristóteles Onassis, Pier Paolo Pasolini, Omar Sharif, Luchino Visconti, Grace Kelly, Liz Taylor, Marilyn Monroe, Alain Delon, Yves Saint Laurent, J. F. Kennedy e Winston Churchill, entre outros. VOSE