Unha xornada nunha gran cidade (San Petersburgo) e o propio proceso de realización da película a través do periplo do seu operador navegan en simultáneo neste clásico con maiúsculas de Dziga Vertov. Peza en perpetuo movemento, a súa enerxía febril fabrica un filme experimental, unha sinfonía urbana vivaz, chea de vigor e versatilidade, exploratoria e audaz no uso dos seus recursos, mesturando compoñentes poéticos, ensaísticos, xustaposicións e unha perfecta sincronía entre montaxe e música.