Tasio aprende o oficio de carboeiro e de cazador furtivo de seu pai. É unha existencia tan sinxela como dura, que el asume con enteireza e orgullo. Conforme vai medrando, decide deixar de traballar para os poderosos que explotan o seu xornal e vivir do que a montaña poida darlle, nin máis nin menos. Os seus amigos vanse á cidade, mais Tasio, nin casando e sendo pai, abandonará o seu estilo de vida.

Ópera prima de Montxo Armendáriz, que realizou tras facer unha curta documental sobre este mesmo tema. Os costumes dos pobos da montaña navarra quedan perfectamente capturados pola exquisita fotografía de José Luis Alcaine, nun relato que desprende un alto valor etnográfico; foi filmado en varias vilas destes vales coa complicidade dos seus paisanos.

A restauración en 4K (supervisada por Montxo Armendáriz e co acordo de Mercury Films) foi financiada polo Goberno Vasco e conducida pola Filmoteca Vasca a partir dos negativos orixinais conservados na Filmoteca Española. Traballos de restauración dixital levados a cabo no laboratorio L’ Immagine Ritrovata, de Boloña.

VOE