Unha caravana transporta ao ancián e moribundo Sheikh a Sijilmasa. A súa última vontade é ser enterrado xunto aos seus, pero morre mentres soben as escarpadas cumes do Atlas marroquí. Os viaxeiros, medorentos da montaña, néganse a seguir transportando o cadáver. Ahmed e Said, dous buscavidas que viaxan coa caravana, din coñecer o camiño a Sijilmasa e ofrécense a levar o seu corpo ata alí. A esposa do Sheikh dubida deles. Nun mundo paralelo e remoto, a Shakib elíxeno para viaxar ás montañas coa misión de axudar á improvisada caravana a chegar ao seu destino. A Shakib tamén lle asaltan as dúbidas; trátase da súa primeira misión.