Kisilu Musya, un granxeiro kenyano, leva catro anos gravando a vida da súa familia, o seu pobo e os efectos devastadores do cambio climático sobre a súa terra. Cando o seu fogar é destruído por unha tormenta, o realizador autodidacta organiza un movemento comunitario de agricultores que loitan contra os impactos do clima extremo. Kisilu logra chegar lonxe coa súa loita -ata Oslo e os círculos de decisión do cume do cambio climático de París-, pero canto máis penetra no mundo da política global, máis resistencia, burocracia e arrogancia atopa. Esta é a cativadora e inspiradora historia dun optimista infatigable, que pon a proba os seus límites contra toda adversidade na súa loita pola xustiza climática. VOSE