Tres épocas (1966, 1911, 2005) e tres historias, interpretadas pola mesma parella de actores, Shu Qi e Chang Chen. Un conto sentimental que evoca a tripla reencarnación dun amor infinito.

1966, Kaohsiung - O tempo do amor: Chen coñece a May, unha moza que traballa nos billares onde el adoita ir. Xogan unha partida e o mozo cóntalle que se vai a facer o servizo militar. De permiso, Chen volve para vela, aínda que ela xa non traballa alí...

1911, Dadaocheng - O tempo da liberdade: Un mozo deixa embarazada a unha cortesá. O seu pai vai negociar a súa liberdade, pero a madame pide unha suma exorbitante. Outro cliente decátase do que ocorre e paga a diferenza, a pesar de estar en contra do concubinato. Non tardará en irse ao Xapón a reunirse cun revolucionario.

2005, Taipei - O tempo da mocidade: Jing, unha cantante, é epiléptica e está a perder a visión do ollo dereito. Vive con outra muller, Micky. Zhen é fotógrafo e vive coa súa noiva, Blue. Jing e Zhen teñen unha relación amorosa ás agachadas das súas parellas.

VOSE