![](/sites/default/files/peliculas-2022-05/western-808285635-large.jpg)
<br /><br />
Un grupo de traballadores alemáns chega a unha afastada vila búlgara para construír unha central hidráulica. Mais perante a falta de recursos e agardando por eles, matan o tempo con actividades anódinas. A súa actitude fachendosa coa paisaxe, a contorna e as mulleres da aldea conformarán elementos de tensión cos habitantes do lugar, cos que só un dos traballadores semella desenvolver unha relación cordial e de curiosidade.
Tomando varias das constantes temáticas do western e a capacidade do xénero para realizar un comentario político, Grisebach crea un relato poliédrico, en que un dos principais intereses é a desigualdade que debuxa entre o concepto económico da Europa do Norte / Sur ou as tensións políticas latentes do Oeste / Leste.
VOSE