Nun país rexido por unha suposta democracia, pero dominado polas forzas policiais e militares, un deputado da oposición é asasinado en plena rúa cando acababa de presidir un mitin de carácter pacifista. O asasinato, supostamente cometido por exaltados dun grupo de ultradereita, é encuberto polo goberno e os militares. Pero a investigación do caso será encargada a un novo maxistrado que indagará no turbio asunto coa axuda dun xornalista gráfico.
En 1969, desde o seu exilio en Francia, o director grego Costa-Gavras decidiu adaptar á gran pantalla unha novela do escritor e diplomático Vassilis Vasilikos na que se denunciaba o asasinato en 1963 de Grigoris Lambrakis, deputado grego de esquerdas e pacifista. VOSE